الوحدة شعور مو سهل كثير ناس يحسون فيه حتى وهم حولهم ناس يعني مو شرط تكون لحالك عشان تحس بالوحدة. أحياناً تكون وسط أهلك وأصحابك بس تحس إنك غريب ما أحد فاهمك ولا أحد يسمع لك بصدق.
الوحدة تأثر على نفسية الإنسان بشكل كبير تخلي الواحد يحس بالضيفة والحزن واحياناً القلق والإكتئاب. الإنسان بطبعة إجتماعي يحب يشارك ويتكلم ويحس إن له قيمة بين الناس. وإذا فقد هالشي تبدأ تظهر عليه آثار سلبية حتى على صحتة الجسدية من قلة النوم وضعف الشهية وتعب مستمر.
بعض الناس يحاولون يغطون شعورهم بالوحدة بالخروج الزايد او الانشغال بالجوال بس هذي حلول مؤقتة. الحل الحقيقي إن الواحد يحاول يكون علاقات حقيقية ويفتح قلبه ويعبر عن مشاعره حتى لو بدا صعب بالبداية.
الوحدة مو عيب بس تجاهلها ممكن يكون مؤلم. خلك قريب من اللي يحبونك وإذا شفت أحد حولك يعاني من الوحدة لا تهمله يمكن كلمة منك تفرق معه كثير.
في النهاية اتمنى ماطولت عليك بالكلام ولكن اتمنى اعجبتك التدوينة.