التسويف هو العدو الحقيقي للإنجاز. دايم نأجل الشغل الى بكره وبكرة يجي وما نسوي شيء طيب كيف نكسر هالعاده؟
أول شي قسم شغلك. لا تحاول تخلص كل شي دفعة وحدة خذ المهمة وقسمها أجزاء صغيرة. كأنك تقول ببدأ بخمس دقايق بس وغالباً بعد الخمس دقايق تكمل بدون ما تحس.
ثاني شي خل عندك جدول بسيط أو حتى ورقة تكتب فيها المهام. إذا شطبت شي تحس بإنجاز ويحمسك تكمل.
ثالث شي ابعد عن المشتتات. الجوال؟ حطه على الصامت أو بعيد منك. بعض الناس يشتغلون أفضل في بيئة هادية.
وأهم نقطة؟ كافئ نفسك. بعد ماتخلص شغلك خذ لك بريك واشرب قهوة وشوف لك مقطع تحبه.
لا تنسى ترى كلنا نمر بوقت نكسل فيه بس المهم إنك ما تستسلم للتسويف. كل خطوة صغيرة تسويها اليوم تبني مستقبلك بكره.
وكالعادة في النهاية اتمنى اعجبتك التدوينة واتمنى لك يوم أسطوري زيك.